திருப்பத்தூரில் மாபெரும் வேலைவாய்ப்பு முகாம்! 200 நிறுவனங்களில் 5000 வேலைவாய்ப்புகள்!

ஹைலைட்ஸ்:

• திருப்பத்தூர் இளைஞர்களுக்கு ஒரு அரிய வாய்ப்பு!
• 5000த்திற்கும் மேற்பட்ட காலி பணியிடங்கள்!
• 8வது முடித்தவர்களுக்கும் நல்ல வேலை உண்டு!

தமிழகம் முழுவதும் அனைத்து மாவட்டங்களிலும் அந்தந்த மாவட்ட நிர்வாகம் மற்றும் வேலைவாய்ப்பு துறையின் சார்பில் ஒவ்வொரு வாரமும் வேலைவாய்ப்பு முகாம்கள் நடத்தப்பட்டு வருகின்றன. இதில் பல்வேறு தனியார் துறையை சேர்ந்த நிறுவனங்கள் கலந்து கொண்டு ஆயிரக்கணக்கான இளைஞர்களுக்கு வேலைவாய்ப்பை வழங்கி வருகின்றனர்.

இந்நிலையில் வருகிற மார்ச் 4 அன்று திருப்பத்தூர் மாவட்டத்தில் 200க்கும் மேற்பட்ட தனியார் நிறுவனங்கள் கலந்து கொள்ளும் மாபெரும் வேலைவாய்ப்பு முகாம் நடைபெற உள்ளது. இதில் 5000த்திற்கும் மேற்பட்ட இளைஞர்களுக்கு வேலை வழங்க உள்ளனர். முகாமிற்கு வரும் இளைஞர்கள் எடுத்து வர வேண்டிய சான்றிதழ்கள் மற்றும் இதர விவரங்களை பார்க்கலாம்.

தேவையான கல்வித்தகுதிகள்

8,10,12ம் வகுப்பு, ஐடிஐ , டிப்ளமோ, நர்சிங், பட்டப்படிப்பு படித்த இளைஞர்கள் அனைவருக்கும் வெவ்வேறு தனியார் நிறுவனங்களில் வேலைவாய்ப்பு உள்ளது.

யாரெல்லாம் பங்கேற்கலாம்?

18 முதல் 40 வயதுள்ள வேலை தேடும் இளைஞர்கள் இந்த வேலைவாய்ப்பு முகாமில் கலந்து கொள்ளலாம். மாற்று திறனாளி இளைஞர்களும் கலந்து கொள்ளலாம்..

தேவையான சான்றிதழ்கள்

• சுயவிவர குறிப்பு (Resume)
• ஆதார் கார்டு
• கல்வி சான்றிதழ்கள்
• முகாமிற்கு முன்பதிவு செய்த நகல்

வேலைவாய்ப்பு முகாம் நடைபெறும் இடம்!

பொதிகை பொறியியல் கல்லூரி, ஆதியூர், சேலம் மெயின் ரோடு, திருப்பத்தூர் வளாகத்தில் வருகிற 04.03.2023 அன்று காலை 9 மணி முதல் மதியம் 3 மணி வரை இந்த வேலைவாய்ப்பு முகாம் நடைபெற உள்ளது.

முன்பதிவு செய்வது எப்படி?

இந்த முகாமில் கலந்து கொள்ள முன்பதிவு செய்திருக்க வேண்டும். விண்ணப்ப கட்டணம் எதுவும் செலுத்த தேவை இல்லை.

• STEP 1 : வேலைவாய்ப்பு தளத்தில் லாகின் செய்ய முதலில் உங்கள் ஐடி மற்றும் பாஸ்வோர்டை உள்ளீடு செய்யவும்.
• STEP 2 : தற்போது உங்களது டாஷ்போர்டு திறக்கும். அதற்குள் Job Fair List என்ற இடத்தில் கிளிக் செய்யவும்.
• STEP 3 : உடனே தெரியும் வேலைவாய்ப்பு முகாம் பட்டியலில் திருப்பத்தூர் முகாமின் அறிவிப்பில் கிளிக் செய்யவும்.
• STEP 4 : பின், Apply என்ற பகுதியை கிளிக் செய்யவும். ஒரு முறை உங்களிடம் இதற்கு விண்ணப்பிக்க ஓகேவா என்று கேட்கும். ஓகே கொடுத்து விடுங்கள்.
• STEP 5 : உடனே உங்கள் பதிவை உறுதி படுத்துவதற்கான மெயில் உங்கள் மெயில் ஐடிக்கு வரும்.
• STEP 6 : முன்பதிவு செய்த தரவுகள் மற்றும் மேலே கூறப்பட்டுள்ள தேவையான சான்றுகளோடு முகாமிற்கு செல்லவும்.

முன்பதிவு செய்ய மற்றும் மாவட்ட நிர்வாகத்தின் அறிவிப்பை பார்க்க இங்கே கிளிக் செய்யவும். - Click Here